Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i PDK-së, Memli Krasniqi, konsideron se Qeveria nxiti dhunën në Kuvend më 5 korrik, për ta hequr vëmendjen nga audio incizimet e bisedave mes të kryetares së Grupit Parlamentar të Lëvizjes Vetëvendosje, Mimoza Kusarit dhe përfaqësuesit të Listës Serbe, Slavko Simiq. Ai ka thënë Kryeministri Albin Kurti nuk u distancua nga bisedat e Kusarit me Simiqin dhe Milan Radojciqin, sepse, ato janë bërë me lejen e tij. Ajo gjithsesi se e ka pasur mandatin për të folur, andaj edhe e mbron sepse s’guxon as Mimoza e askush tjetër të komunikojë me Slavko Simiqin e lëre më me Radojciqin, pa e pasur mandatin nga Kryeministri. Memli Krasniqi pyet se me çfarë kompetence Kusari bisedoi me përfaqësuesit serbë për çështje si pagesat e rrymës në veri, duke aluduar se këto biseda ajo i ka bërë me lejen e Kurtit dhe zyrtares së lartë të partisë, Dejona Mihalit. Mimoza Kusari është formalisht shefe e deputetëve të LV-së, por ata i drejton Dejona Mihali.
