Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gazeta autoritative gjermane, “Der Shpiegel” i ka kushtuar një artikull tejet të gjatë e të detajuar Presidentit të Serbisë, Aleksandar Vuçiq, të cilin e quan “zjarrëvënësin” e mundshëm të rajonit të Ballkanit Perëndimor, duke analizuar mënyrën se si ai e luan politikën në mes të Perëndimit dhe Lindjes, Brukselit e Uashingtonit në njërën anë, dhe Moskës dhe Pekinit në anën tjetër. “Der Shpiegel” i kushton rëndësi të veçantë edhe veprimeve që Beogradi zyrtar ndërmerr në raport me Kosovën, derisa zgjerohet edhe në ngjarjen e rëndë të 29 majit ku protestues të dhunshëm “besnikë ndaj Vuçiqit” sulmojnë Misioni Paqeruajtës të NATO’s, ku më se 90 prej tyre u lënduan. Gazeta shkruan se Vuçiq e “përdor kartën e Kosovës”, për të qëndruar dhe rritur pushtetin e tij – si brenda vendit të vet, ashtu edhe jashtë. Kosova është nyja gordiane në pëlhurën evropiane dhe karta më e madhe e Aleksadar Vuçiqit në lojën e pokerit për pushtet dhe pozitë në Ballkan. Legjione diplomatësh të lartë në emër të Brukselit dhe Uashingtonit kanë dështuar në zgjidhjen e problemit. Vuçiqit as që i shkon ndërmend të shes letrën e tij të pazarit nën vlerë”, shkruan mes tjerash gazeta gjermane.
