Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Brenda 24 orëve, dy mërgimtarë janë dënuar nga Gjykata Themelore e Prishtinës, për kanosje të dy deputetëve të Kuvendit të Kosovës. I pari është dënuar me gjashtë muaj burgim, dënim që mund t’i zëvendësohet me 5 mijë euro gjobë, për kanosjen e deputetes së PDK’së, Ganimete Musliut, ndërsa i dyti me burgim në kohëzgjatje prej katër muajsh muajve, që iu zëvendësua me dënim me gjobë në shumë prej 2 mijë euro, për kanosjen e deputetit të LDK’së, Avdullah Hotit. Dy mërgimtarë, njëri nga Zvicra e tjetri nga Gjermania, që gjatë vitit të kaluar kishin kanosur përmes telefonit dy deputetët e Kuvendit të Kosovës, Ganimete Musliun dhe Avdullah Hotin, janë dënuar. Gjykata Themelore e Prishtinës e ka dënuar sot me 2 mijë euro gjobë të akuzuarin Reshat Sadiku, mërgimtar me banim në Gjermani, për kanosjen e deputetit nga radhët e Lidhjes Demokratike të Kosovës, Avdullah Hotin.
