Sot në Gjykatën Speciale, në Hagë, do të vazhdojë gjykimi kundër krerëve të UÇK-së, Hashim Thaçi, Kadri Veseli, Jakup Krasniqi e Rexhep Selimi. Burimet e medieve bëjnë të ditur se edhe sot do të vazhdojë paraqitjen dëshmitarja mbrojtur e Zyrës së Prokurorit. Javën e kaluar, kryetari i trupit gjykues, Charles Smith kërkoi seancë private për të diskutuar një çështje në mënyrë që të ruhet identiteti i dëshmitares. Pritet që gjatë kësaj jave të mbahen tri seanca. Gjykimi kundër krerëve të UÇK-së ka filluar më 3 prill të vitit të kaluar dhe për afër 10 muaj, janë paraqitur vetëm 40 dëshmitarë nga më shumë se 200 syresh sa janë planifikuar.
Kontrolloni gjithashtu
Ferat Shala, ka folur për takimin e Memli Krasniqit me kryeministrin Albin Kurti si dhe për zgjedhjet e ardhshme
Deputeti i Partisë Demokratike të Kosovës (PDK), Ferat Shala, ka folur rreth takimit të kryetarit …