Vitia e gatshme për fillimin e procesit të regjistrimit të popullsisë dhe ekonomive familjare

13/02/2024 Institucionet

Zv. kryetari i komunë së Vitisë, Hasan Aliu, i shoqëruar nga bashkëpunëtorë, priti në takim përfaqësues nga komisioni komunal për regjistrimin e popullsisë, ekonomive familjare dhe banesave të komunës së Vitisë,  ku u diskutua rreth procesit, përgatitjeve dhe zhvillimeve të reja në projektin e regjistrimit të popullsisë, i cili planifikohet të mbahet këtë vit. Në këtë takim u dha një njoftim i shkurtër mbi përgatitjet e komisionit komunal për regjistrimin e popullsisë dhe ekonomive familjare, si dhe për zgjedhjen e sekretarit të këtij komisioni. I pranishëm ishte edhe Guxim Neziri nga agjencioni i statistikave të Kosovës, i cili u njoftua më për së afërmi me ecurinë e përgatitjeve të këtij regjistrimi në komunën e Vitisë. Me këtë rast, zv. kryetari Aliu u shpreh se ky regjistrim ka rëndësi të madhe për vendin, prandaj komuna e Vitisë do të ofrojë të gjitha kapacitetet e nevojshme  për regjistrimin e plotë të popullsisë dhe ekonomive familjare. Në këtë takim u bë e ditur që ky regjistrim i popullsisë do të jetë gjithëpërfshirës dhe të gjithë qytetarët e Kosovës janë të obliguar ligjërisht që t’i përgjigjen regjistrimit dhe të japin informata të sakta për çdo anëtar të familjes.

Kontrolloni gjithashtu

Kryetari Agim Aliu është nderuar me mirënjohje nga drejtuesit e Sindikatës së Punëtorëve të KRM “Pastërtia”

Kryetari i komunës së Ferizajt, z. Agim Aliu është nderuar me mirënjohje nga drejtuesit e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara