Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Bashkimit Demokratik për Integrim, Ali Ahmeti, partia më e madhe e shqiptarëve në Maqedoninë e Veriut, ka shpallur zotimet dhe platformën zgjedhore të koalicionit të tyre për zgjedhjet presidenciale dhe parlamentare. Ai ka theksuar se platforma e kandidatit për president, Bujar Osmani, është titulluar “Dekalogu i Presidentit Europian” dhe ka nënshkruar deklaratën mbështetëse për përmbajtjen e saj, duke e cilësuar atë si në përputhje me vlerat e zhvillimit europian. Ahmeti ka renditur zotimet e koalicionit, duke theksuar unanimisht bashkë qëndrimin e tyre për integrimin në BE deri në vitin 2030, zgjedhjen e Presidentit në Kuvend me shumicë të dyfishtë, partneritetin dhe dialogun strategjik me SHBA-në, formimin e Bordit ndërkombëtar me SHBA-në, BE-në dhe NATO-n për çertifikimin e bartësve të funksioneve publike, përforcimin e Armatës në përputhje me standardet e NATO-s, marrëveshjen kornizë ekonomike, etj.
