Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati i Frontit Europian për kryetar të Maqedonisë së Veriut, Bujar Osmani, ka shpallur fitoren në zgjedhjet presidenciale të mbajtura dje, duke siguruar një dallim prej mbi 40 mijë votave më shumë se Arben Taravari nga koalicioni VLEN. Ai në një deklaratë për media, falënderoi popullin për mbështetjen dhe e ka ftuar garuesin, Taravari, që ta pranojë humbjen dhe mesazhin që vijnë nga votuesit. Ai theksoi se kjo fitore është e përbashkët dhe dëshmon potencialin e Frontit Europian për të ndikuar në të ardhmen evropiane të vendit. Bujar Osmani u shpreh se fushata zgjedhore u zhvillua me dinjitet dhe duhet të pranohet si humbja ashtu edhe fitorja. Edhe pse kam fituar, shoqëria ende është e ndarë në baza etnike, duke lënë hapësirë për përpjekje të mëtejshme për të ndërtuar një shoqëri më të bashkuar dhe të integruar, saktësoi, kryetari i Frontit Europian, Bujar Osmani.
