Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë vizitës zyrtare që po zhvillon në Mal të Zi, Kryetari i Kuvendit, Ilir Meta i vlerësoi si të shkëlqyera marrëdhëniet mes dy vendeve, të cilave shpeshherë të tjerët u referohen si një model i fqinjësisë së mirë dhe i mbarëvajtjes së marrëdhënieve në rajonin tonë të Ballkanit. Shqipëria dhe Mali i Zi, tha ai, ndjehen edhe më afër njëri-tjetrit, jo vetëm nga gjeografia që na bashkon, por edhe falë pakicës shqiptare këtu, e cila na lidh edhe më fort, si një urë solide miqësie e bashkëpunimi. . Ai veçanërisht përshëndeti dedikimin e mikut të vjetër, Milo Gjukanovic, të cilin e konsideroi “shtyllën kurrizore të orientimit të qartë euro-atlantik”. Përkundër këtij falënderimi Meta nga një pjesë e deputetëve opozitarë të Parlamentit të Malit të Zi e pritën me parulla antikosovare si: “Populli i Malit të Zi nuk të pranon , zemër e Serbisë është Kosova ” mbishkrimin e shkruar me alfabetin cirilik në sallën e Kuvendit të Malit të Zi e sollën deputetët e Nova Srpska dhe DNP, ndërsa foli shqip Millan Knezheviq i cili i tha Metës: “Zotëri Meta, Kosova është zemër e Serbisë, këtë mos e harroni asnjëherë”, tha ai në konferencën për gazetar.
