Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Politikanët boshnjakë dhe shoqatat e familjarëve të viktimave të gjenocidit në Srebrenicë kanë mirëpritur miratimin e rezolutës për gjenocidin në Srebrenicë nga Asambleja e Përgjithshme e Kombeve të Bashkuara. Rezoluta, e miratuar me 84 vota për, 19 kundër dhe 68 abstenime, shpall 11 korrikun Ditë Ndërkombëtare të Përkujtimit të Viktimave të Gjenocidit në Srebrenicë dhe dënon mohimin e gjenocidit. Kryeministri i Federatës së Bosnje e Hercegovinës, Nermin Nikshiq, e cilësoi rezolutën si një akt njerëzor dhe civilizues. Anëtari i presidencës trepalëshe të Bosnje e Hercegovinës, Zhellko Komshiq, tha se rezoluta përfaqëson një konsensus politik për gjenocidin. Kryetari i entitetit të Republikës Serbe, Millorad Dodik, e cilësoi rezolutën si të dështuar, duke theksuar se shumica e vendeve nuk e mbështetën, pasi sipas tij kishte shumë abstenime.
