Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Asamblenë Parlamentare të NATO-s, e cila mbahet në Sofje të Bullgarisë prej 25 deri më 27 maj, në agjendë është përfshirë edhe çështja e Kosovës. Kosova shpreson të marrë përkrahje për avancimin e statusit të saj nga vëzhgues në anëtar të asociuar të kësaj organizate. Delegacioni i Kosovës, përfaqësuar nga deputetët Driton Hyseni dhe Xhavit Haliti, do të marrin pjesë në punimet e Asamblesë Parlamentare të NATO-s. Sipas vendimit të komitetit të përhershëm drejtues të Asamblesë Parlamentare të NATO-s, i votuar më 24 mars të këtij viti, në favor të ngritjes së statusit të delegacionit të Kosovës, ju konfirmoj se çështja është në agjendën e punimeve të asamblesë dhe për të pritet votimi me shumicën e deputetëve më 27 maj,” deklaroi deputeti, Driton Hyseni. Delegacioni nga Kosova mbetet i vendosur për të arritur qëllimin e tij dhe për të forcuar pozicionin ndërkombëtar të Kosovës.