Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gazeta britanike ‘The Guardian’ i ka kushtuar një artikull të veçantë ngjarjeve të fundit në Turqi pas dështimit të grusht-shtetit ushtarak. Artikulli në fjalë analizon prapavijën e ngjarjeve që paraprinë puçin e dështuar. Në të thuhet se “Turqia gjendej nën kthetrat e një grushti shteti të ngadalësuar, por ky nuk po zhvillohej nga ushtria, por nga vetë Erdogani. Vetëm tri vitet e fundit ai ka marrë në kontroll thuajse të gjitha pikat kyçe të pushtetit në Turqi”. Gazeta britanike në vazhdim i referohet raporteve të ‘Freedom House’, ku Turqia bie poshtë e më poshtë në renditjen e vendeve me liri të paktë të shtypit. Poashtu në artikull përmenden përpjekjet e pushtetit në Turqi për t’i vënë nën kontroll gjykatat, ku gjyqtari i mirë konsiderohet vetëm ai që jep vendim pro qeverisë dhe ideologjisë së saj. Duke bërë një analizë gjithëpërfshirëse për rritjen e polarizimit brenda shoqërisë turke, ‘The Guardian’ rekomandon se Turqisë “i duhet një lider që të mund t’i bashkojë të gjitha shtresat e polarizuara të shoqërisë, ose, të paktën, dikush që të ketë vullnetin për ta bërë këtë gjë”.
