Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka ndërruar jetë, politikani italian me origjinë arbëreshe. Mario Brunetti, i njohur për mandatin e tij të gjatë si deputet në Parlamentin Italian dhe për kontributin e tij të çmuar në ruajtjen e identitetit dhe kulturës arbëreshe. Gjatë karrierës së tij politike mbrojti me fakte kauzën e Kosovës dhe kontribuoi në avancimin e njohjes së të drejtave të shqiptarëve në Itali, ishte një intelektual dhe politikan i shquar. Ai ishte një mbështetës i palëkundur i pavarësisë së Kosovës dhe i mbështeti përpjekjet për njohjen ndërkombëtare të saj që nga fillimet e viteve 1990. Deputeti i Partisë Demokratike të Kosovës, Enver Hoxhaj, e ka nderuar figurën e Brunettit, duke e quajtur ndarjen e tij nga jeta një “humbje të madhe për shqiptarët”. Hoxhaj vuri në dukje se kontributi i Brunettit në mbrojtjen e kauzës shqiptare dhe ruajtjen e kulturës arbëreshe do të kujtohet dhe vlerësohet gjithmonë. Mario Brunetti ishte një mbështetës i ligjit të veçantë të miratuar nga Parlamenti Italian për njohjen e komunitetit arbëresh si pakicë gjuhësore historike, një arritje që kontribuoi në ruajtjen e identitetit dhe të kulturës së arbëreshëve.
