Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sindikata e Bashkuar, Arsimit, Shkencës dhe Teknologjisë ka bërë të ditur se i kanë dërguar shkresë zyrtare kryeministrit Albin Kurti dhe ministres, Arbërie Nagavci me kërkesat që urgjentisht të rritet vlera e koeficientit të pagave për së paku 30 për qind dhe të hyjë në zbatim që nga shtatori i këtij viti. Në një njoftim për media, SBASHK thekson se vazhdon takimet konsultative me kryetarët e nivelit komunal sindikal e të universiteteve, duke analizuar realizimin e detyrave konkrete në shërbim të realizimit të kërkesave të anëtarësisë. Kryetari i SBASHK-ut, Rrahman Jasharaj, bashkë me nënkryetaren Vjollca Shala e koordinatorin për organizim të brendshëm, Ymer Ymeri, kanë informuar përfaqësuesit e të punësuarve në arsim, që nga çerdhet e deri në universitete, se duke realizuar detyrat nga takimet paraprake më 3 shtator i kanë dërguar shkresë zyrtare kryeministrit Kurti dhe ministres Nagavci me kërkesat që urgjentisht të ngritet vlera e koeficientit të pagave për së paku 30% dhe të futet në zbatim që nga shtatori i këtij viti”, thuhet në njoftim.
