Kryetari Latifi priti në takim ministrin Liburn Aliu

04/10/2024 Institucionet

Kryetari i Komunës së Rahovecit, z. Smajl Latifi realizoj të premtën një takim të frytshëm me ministrin e Mjedisit, Planifikimit Hapësinor dhe Infrastrukturës, z. Liburn Aliu, ku diskutuan për disa projekte të rëndësishme për komunën e Rahovecit.

Janë krijuar ekipe të punës së përbashkët, Komunë – MMPHI- ndërsa kjo e fundit ka një kompani të kontraktuar për projekte të rëndësishme që e prekin drejtpërdrejt edhe komunën e Rahovecit.

Temat kryesore të takimit ishin: projekti i rregullimit të shtratit të Drinit të Bardhë, që do të kontribuojë në mbrojtjen e mjedisit dhe në përmirësimin e infrastrukturës në zonën përreth. Gjithashtu, u bisedua për projektin e zgjerimit të rrugës magjistrale Rahovec – Gjakovë – Prizren dhe modalitetet më të mira për qasjen sa më funksionale me rrugën katërshiritore që lidh Xërxen me Rahovecin, po ashtu edhe për qasjen më të lehtë për bujqit dhe mjetet e tyre bujqësore, në mënyrë që të funksionalizohet dhe të forcohet ndërlidhja, si dhe qarkullimi në këtë rajon të rëndësishëm.

Komuna e Rahovecit thuhet në njoftim e mirëpret bashkëpunimin me ministrinë dhe ofrojnë të gjitha mekanizmat e nevojshëm për trajtimin me seriozitet të këtyre temave!

Kontrolloni gjithashtu

U përkujtua dëshmori Kemajl Azizi

Në 27-vjetorin e rënies heroike të dëshmorit të kombit, Kemajl Azizi, Kryetari i Komunës së …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara