Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qendra Kosovare për Studime të Sigurisë ka tërhequr vërejtjen se vendi ynë përballet me tri nivele të kërcënimeve hibride ndërsa nga mangësitë kryesore në përballjen me to mbetet mungesa e kapaciteteve të mjaftueshme institucionale për luftimin e dezinformimit dhe manipulimit të informacionit. Udhëheqësi i Hulumtimeve në Qendrën Kosovare për Studime të Sigurisë, Ramadan Ilazi, ka thënë për Ekonomia Online se kërcënimet vijnë nga aktorë të jashtëm, nga shtetet e rajonit, por edhe nga brenda vendit. “Ka tri nivele konsideroj të kërcënimeve hibride me të cilat ballafaqohet Kosova, edhe është e cënueshme ndaj tyre. Niveli i parë është kërcënimet e përgjithshme, që Kosova u nënshtrohet, e të cilat e targetojnë e sulmojnë Evropën. Akter të huaj keqdashës ose me agjendë malinje, sulmet që i bëjnë kundër Evropës nuk e dallojnë zakonisht shumë as shtetet, edhe aty është niveli i parë ndaj të cilave ekspozohet Kosova” ka thënë mes tjerash, udhëheqësi i Hulumtimeve në Qendrën Kosovare për Studime të Sigurisë, Ramadan Ilazi.
