Komuna e Vitisë realizoi buxhetimin me pjesëmarrje, përfshinë projektin e propozuar nga qytetarët

Komuna e Vitisë, gjatë këtij viti për herë të parë ka filluar me buxhetimin me pjesëmarrje, ku banorët e fshatit Smirë kishin përzgjedhur dhe votuar për një projekt qe ata dëshirojnë të përfshijnë në buxhetin komunal. Smirasit atëherë votuan me shumicë votash për propozim idenë “ Shtigje të ecjes përgjatë lumit Smira” Përndryshe buxhetimi me pjesëmarrje si praktikë e re në komunën e Vitisë është në bashkëpunim të ngushtë me projektin “Kontrata Sociale” nga USAID-i dhe është përkrahur edhe nga Demorkacia plus.