Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i PDK, Memli Krasniqi, në një intervistë për Reporteri.net ka shpalosur arsyet pse qytetarët e Kosovës duhet të votojnë për PDK-në dhe kandidatin e saj për kryeministër, Bedri Hamza. Ai ka theksuar se PDK është e përkushtuar në realizimin e premtimeve, duke vënë theksin te arritjet e kaluara të partisë në investimet infrastrukturore, arsimin, shëndetësinë dhe diplomacinë. Ato që i premtojmë i realizojmë. PDK kryen punë. Ne e mbajmë fjalën. E kemi dëshmuar në të kaluarën, deklaroi Krasniqi, duke përmendur ndërtimin e 2500 kilometrave rrugë, 120 shkollave dhe përmirësimet në sistemin shëndetësor si shembuj konkretë të punës së kryer nga PDK. Krasniqi kritikoi qeverisjen e Albin Kurtit, duke e cilësuar si “kampion të propagandës” por të paaftë në menaxhimin dhe zbatimin e projekteve konkrete. Krasniqi vlerësoi kandidatin për kryeministër, Bedri Hamza, si një lider të jashtëzakonshëm me profesionalizëm dhe kompetencë të lartë, i cili ka dëshmuar aftësitë e tij në të gjitha detyrat që ka mbajtur.
