Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në 26-vjetorin e masakrës së Krushës së Madhe, përfaqësuesit e institucioneve lokale dhe qendrore dhe figura të rëndësishme u bashkuan në nderim të burrave, grave dhe fëmijëve të pafajshëm që u flijuan në pranverën e përgjakur të vitit 1999. Ata mbeten simbol i qëndresës dhe sakrificës për liri.
Kryetari i komunës së Rahovecit, Smajl Latifi, ka thënë se kjo masakër është dëshmi e një veprimi të organizuar dhe të zbatuar nga Serbia kriminale.
“Lufta e popullit tonë për çlirimin e tokave të pushtuara nga sllavët ishte e domosdoshme, prandaj populli i përkrahu bijtë dhe bijat të tyre pa mëdyshje. Ishte e dukshme se zgjidhje paqësore të çështjes së Kosovës nuk mund të kishte, prandaj lufta çlirimtare ishte domosdoshmëri dhe krushjanët e bënë atë që duhet bërë. Në shënjestër të serbëve do të viheshin gra, fëmijë, pleq dhe të rinj, të paarmatosur dhe të pambrojtur. Vrasje masive, djegie të kufomave dhe zhdukje të kufomave të të vrarëve, ishin dëshmi të një veprimi të organizuar dhe të zbatuar nga Serbia kriminale”, u shpreh Latifi.
