Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eksperti i sigurisë, Burim Ramadani, ka reaguar pas mbledhjes urgjente të Këshillit të Sigurisë së Kosovës, të thirrur nga Kryeministri në detyrë, Albin Kurti, ku u ngritën akuza për ndërhyrjet e Serbisë në formimin e institucioneve të legjislaturës së nëntë. Ramadani ka pranuar se rreziku i sigurisë kombëtare nga Serbia nuk duhet minimizuar, duke theksuar se është e domosdoshme që shumica shqiptare, e mbështetur nga qytetarët për të ndryshuar udhëheqjen shtetërore, të ndërtojë një platformë të përbashkët. Ai ka apeluar gjithashtu për rivendosjen e partneritetit me Shtetet e Bashkuara të Amerikës në fushën e sigurisë dhe mbrojtjes, duke nënvizuar rëndësinë e bashkërendimit urgjent në këto çështje për të garantuar stabilitetin e Kosovës. Ramadani theksoi se siguria është një çështje kritike për të cilën duhet të veprohet menjëherë.
