Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka ndërruar jetë në moshën 67 vjeçare, veterani i UÇK-së, Reshat Jashari. Ai, gjatë luftës ka qenë pjesëtar i Batalionit të Katërt “Rexhep Musa” të Brigadës 141 të UÇK-së të Zonës Operative të Shalës. Para se të inkuadrohej në UÇK-së, në fillim të vitit 1999, ku ka dhënë një kontribut të çmueshëm për çlirimin e vendit nga forcat ushtarako-policore e paramilitare serbe, Reshati ka qenë epror rezervë, ushtarak. Ai me vite të tëra ka punuar edhe si mësimdhënës, duke dhënë një kontribut të madh në avansimin e procesit edukativo-arsimor në Komunën e Vushtrrisë. Me rastin e vdekjes së veteranit të UÇK-së, Reshat Jashari, kryetari i Komunës, Bajram Mulaku, dhe Dibran Përçuku, nënkryetar, kanë ngushëlluar familjen Jashari dhe bashkëluftëtarët. Ceremonia e varrimit të veteranit të UÇK-së dhe veteranit të arsimit u bë në varrezat e fshatit Begaj të Vushtrrisë.
