Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ushtruesi i detyrës së kryeshefit ekzekutiv të Stacionit të Autobusëve në Prishtinë, Veton Prelvukaj, ka njoftuar se çdo qytetar që paraqet një biletë të vlefshme të udhëtimit nga një qytet i Kosovës, mund të përfitojë një biletë të integruar falas në Prishtinë. Ai ka thënë për Ekonomia Online se qëllimi i kësaj mase është zvogëlimi i barrës financiare për qytetarët dhe lirimi i komunikacionit në kryeqytet. “Si proces është i rregulluar që qytetari duhet ta ketë biletën që ta ketë si dëshmi që është ardhur nga një qytet i caktuar. Me atë dëshmi në sportelin tonë e prezanton dëshminë dhe e merr biletën e integruar falas. Çdo qytetar e jo vetëm studentët. Kushti i vetëm është që bileta e udhëtimit të jetë valide për atë ditë dhe të jetë lëshuar nga ndonjë qytet brenda Kosovës” ka theksuar ushtruesi i detyrës së kryeshefit ekzekutiv të Stacionit të Autobusëve në Prishtinë, Veton Prelvukaj.
