Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Policia e Kosovës ka njoftuar se më 24 prill 2025, në Kampin e Njësive Speciale në Vrellë, Sllatinë, është realizuar ushtrimi fushor “REAGIMI 2025”. Ky ushtrim, i organizuar nga Njësitë Speciale të Policisë së Kosovës dhe mbështetur nga departamentet tjera policore, pati si qëllim testimin dhe ngritjen e kapaciteteve për menaxhimin e situatave ekstreme dhe reagimin në kushte emergjente. Ushtrimi përfshiu përdorimin e burimeve njerëzore, logjistike dhe teknologjike, duke përfshirë të gjitha llojet e armatimit dhe municionit. Po ashtu, u testuan aftësitë dhe koordinimi në kushte operacionale. Komponentët kyç të reagimit, si ndërveprueshmëria, bashkëpunimi, koordinimi, komunikimi dhe komanda dhe kontrolli, u verifikuan gjatë ushtrimit.
