Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njohës të drejtësisë në Kosovë vlerësojnë se profilizimi i gjyqtarëve për krime të luftës do të përmirësonte ndjeshëm efikasitetin dhe cilësinë e gjykimeve për këto raste. Aktualisht, në Prokurorinë Speciale pesë prokurorë merren ekskluzivisht me hetimin e krimeve të luftës, por në gjykatë këto raste nuk trajtohen nga gjyqtarë të specializuar. Kryesuesi i Këshillit Gjyqësor, Albert Zogaj, konfirmoi se me rritjen e numrit të gjyqtarëve në Departamentin Special, do të shqyrtohet mundësia e profilizimit për këtë fushë. Ish-kryetari i Gjykatës Supreme, Fejzullah Hasani, theksoi se një hap i tillë do të ndikonte pozitivisht për shkak të mungesës së praktikës gjyqësore në këtë lloj çështjesh. Sipas Amer Aliajt nga Fondi për të Drejtën Humanitare, profilizimi do të mundësonte gjykime më të qëndrueshme dhe përvojë më të thelluar për gjyqtarët. Kërkesa për profilizim është shtruar më herët edhe nga Gjykata Themelore në Prishtinë dhe Prokuroria Speciale.
