Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kanë kaluar gati tre muaj nga dita e zgjedhjeve më 9 shkurt, por Kuvendi i Kosovës ende nuk është konstituuar. Përkundër dhjetë tentativave, deputetët nuk kanë arritur të zgjedhin kryetarin e Kuvendit. Kandidatja e Vetëvendosjes, Albulena Haxhiu, ka dështuar gjashtë herë në votim, ndërkohë që partitë opozitare kërkojnë një emër më përfaqësues, duke e cilësuar Haxhiun si figurë përçarëse. Në këtë situatë të bllokadës institucionale, janë ngritur debate për pagesat e deputetëve. Kuvendi ka konfirmuar se deputetëve u janë ekzekutuar pagat sipas ligjit, përfshirë edhe ata që nuk kanë qenë pjesë e legjislaturës së kaluar, ndërsa mëditje shtesë për seanca të dështuara nuk janë paguar. Ekspertët nga shoqëria civile, si Eugen Cakolli nga KDI, e kanë kritikuar këtë praktikë, duke e quajtur tallje me qytetarët dhe me vetë institucionin e Kuvendit.
