Kuvendi i Kosovës dështon për herë të 11-të në konstituim – zvarritet procesi për shkak të zgjedhjes së kryetarit

Edhe pas përpjekjes së njëmbëdhjetë me radhë, Kuvendi i Kosovës nuk ka arritur të konstituohet, për shkak të mosmarrëveshjeve rreth zgjedhjes së kryetarit të Kuvendit. Lëvizja Vetëvendosje tentoi sërish të krijojë një komision për votim të fshehtë, por propozimi nuk mori numrin e nevojshëm të votave – 56 deputetë votuan për dhe 1 kundër, çka nuk mjaftoi për formimin e komisionit. Kryesuesi i seancës, Avni Dehari, vendosi ta ndërpresë seancën për 48 orë, duke vazhduar praktikën tashmë të përsëritur të shtyrjes së procesit.