Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Procesi gjyqësor ndaj krerëve të Ushtrisë Çlirimtare të Kosovës po hyn në një fazë kyçe, ndërsa Trupi Gjykues në Gjykatën e Hagës ka caktuar datën 2 qershor si afatin përfundimtar për dorëzimin e mocioneve për hedhjen poshtë të aktakuzës ose disa pikave të saj. Ky afat mund të rezultojë vendimtar për fatin e Hashim Thaçit dhe bashkë të akuzuarve, pasi nëse Gjykata vlerëson se Prokuroria nuk ka ofruar prova të mjaftueshme, aktakuza mund të bjerë në tërësi ose pjesërisht. Për shkak të protestave të veteranëve të UÇK-së, konferenca e planifikuar për media nga kryetarja, Ekaterina Trendafilova, u anulua. Megjithatë, interesimi mbetet i lartë, pasi gjykimi është në një moment të ndjeshëm dhe të rëndësishëm. Mbrojtja e Thaçit ka paralajmëruar se do të ftojë deri në 10 dëshmitarë, ndërsa mbrojtësi i viktimave pritet të paraqesë nga 2 deri në 4 dëshmitarë. Ky i fundit duhet të dorëzojë listën e dëshmitarëve deri më 28 maj. sDeri më 2 qershor, sytë do të jenë drejt Hagës – aty ku pritet një ndër vendimet më të rëndësishme për drejtësinë dhe të ardhmen politike të Kosovës.
