Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Grupi për Çështjet Shqiptare në Kongresin e Shteteve të Bashkuara, i njohur si “Caucus-i Shqiptar”, është zgjeruar me tre anëtarë të rinj. Kongresmeni republikan Pete Sessions, si dhe kongresistet demokrate Lori Trahan dhe Delia Ramirez, janë bashkuar zyrtarisht me këtë grup ndërpartiak që mbështet interesat e shqiptarëve në SHBA dhe në Ballkan.Lajmi u bë i ditur nga organizata “Albanians for America” (AFA), e cila përmes një njoftimi falënderoi kongresmenët për angazhimin e tyre dhe vlerësoi rolin e tyre në forcimin e marrëdhënieve shqiptaro-amerikane. Kongresmeni Pete Sessions deklaroi përkushtimin e tij për të mbështetur komunitetin shqiptar dhe vuri në pah rëndësinë e diplomacisë amerikane në rajonin e Ballkanit. Ai gjithashtu përgëzoi përfaqësuesit e AFA-së, Gino Mulliqi dhe Doc Vranici, për punën e tyre të palodhshme në Uashington. Ndërkohë, kongresistja Lori Trahan nga Massachusetts dhe Delia Ramirez nga Illinois u cilësuan si zëra të rinj dhe të rëndësishëm për kauzën shqiptare në Capitol Hill, duke sjellë përvojë dhe përfaqësim të zgjeruar për komunitetin.
