Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri në detyrë i Kosovës, Albin Kurti, ka përjashtuar mundësinë e një koalicioni me Partinë Demokratike të Kosovës, duke e cilësuar këtë subjekt si të paqëndrueshëm dhe pa një udhëheqje të qartë. Në një intervistë në Tëvë 1, Kurti tha se PDK-ja është e fragmentuar dhe se “ka katër apo pesë kryetarë”, ndërsa sipas tij, udhëheqësit aktualë vazhdojnë të marrin instruksione politike nga ish-krerët e UÇK-së, Hashim Thaçi e Kadri Veseli, të cilët ndodhen në Hagë tash e pesë vjet. “PDK nuk e di a i ka 4 apo 5 kryetarë, por jam i sigurt që nuk i ka 3, 2 e as 1. PDK, nga përvoja, është një shoqëri aksionare me papërgjegjësi të pakufizuara,” tha Kurti, duke përmendur deklaratat kontradiktore brenda partisë dhe tensionet mes figurave lokale si Ramiz Lladrovci dhe Sami Lushtaku. Ai shtoi se dy figurat kryesore të së kaluarës së kësaj partie, Thaçi e Veseli, vazhdojnë të ndikojnë në drejtimin politik të PDK-së përmes vizitave dhe komunikimeve nga Haga. “Janë dy ish-kryetarët në Hagë të cilët duhet t’i vizitojnë shpesh edhe për instruksione politike,” u shpreh Kurti.
