Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka përfunduar takimi ndërmjet kryeministrit në detyrë, Albin Kurti, dhe kreut të Nismës Socialdemokrate, Fatmir Limaj, i zhvilluar në një restorant në Prishtinë. Pamjet e siguruara nga mediat tregojnë Kurtin duke dalë nga lokali i shoqëruar nga truprojat dhe duke u drejtuar drejt veturave të eskortës, ndërsa mbetet e paqartë nëse takimi ka prodhuar ndonjë rezultat konkret. Ky takim zhvillohet në një moment kritik për vendin, teksa kriza politike pas zgjedhore po vazhdon ta pengojë krijimin e institucioneve të reja. Deri tani, nuk është bërë e ditur nëse është arritur ndonjë marrëveshje ndërmjet palëve. Megjithatë, Nisma Socialdemokrate vazhdon të jetë e palëkundur në kërkesën e saj për postin e kryetarit të Kuvendit, të cilin e cilëson si çelës për balancimin e pushtetit dhe funksionimin demokratik të institucioneve.
