Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përpjekja e Lëvizjes Vetëvendosje për të bllokuar pjesëmarrjen e Listës Serbe në zgjedhje, për herë të dytë brenda një viti, ka shkaktuar reagime serioze nga komuniteti ndërkombëtar, veçanërisht nga Shtetet e Bashkuara të Amerikës. Diplomacia amerikane ka rritur tonet ndaj qeverisë në largim, duke e parë këtë si një veprim populist me prapavijë elektorale dhe një rrezik për procesin demokratik në vend. Shefja e Ambasadës së SHBA-së në Kosovë, Anu Pratipatti, , ka tërhequr disa herë vërejtjen për këtë çështje, duke u takuar një ditë më parë me kryeministrin në largim Albin Kurti – vetëm një orë para se KQZ të merrte vendimin për moscertifikimin e Listës Serbe. Reagimi i QUINT dhe i Bashkimit Europian ishte i përbashkët, por u parapri nga vërejtjet e ashpra të SHBA-së. Ndërkohë, qëndrimi i BE-së dhe sidomos i Gjermanisë është afruar më shumë me linjën amerikane, me ambasadorin Jorn Rohde që tashmë mban një ton më të rezervuar krahasuar me të kaluarën.
