Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i Përgjithshëm i Doganave, Lulzim Rafuna, priti në takim ambasadorin e Shteteve të Bashkuara të Amerikës, Greg Delawie. Në takimin në mes tyre u bisedua për punën dhe të arriturat e doganës në zbatimin e ligjit dhe zhvillimin ekonomik të vendit. Me këtë rast, drejtori i Përgjithshëm i Doganave, Lulzim Rafuna tha se Shtetet e Bashkuara të Amerikës kanë investuar mbi tre milion euro në Doganën e Kosovës. Ai shtoi më tutje se zotëriu Greg Delawie nuk është vetëm ambasador i SHBA-ve në Kosovë por është edhe mik i doganës. Ndërkohë, ambasadori Greg Delawie vlerësoi lartë punën e bërë nga Dogana e Kosovës në zbatimin e ligjit dhe premtoi mbështetje të mëtutjeshme për këtë institucion.
