Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mbledhja e fundit e Kuvendit komunal në Shtime, na solli një shembull të qartë se si mund të shndërrohet një institucion publik në një shfaqje politike të orkestruar nga një kryetar që nuk e njeh demokracinë. Në 30 minutëshin e fundit të mbledhjes, kryetari Aliu i parashtroi vetes pyetje e kundër pyetje boshe, duke humbur totalisht busullën përballë të vërtetës dhe duke treguar frikën nga çdo zë i vërtetë dhe kritik.
Në vend që të jepte hapësirë për fjalën e lirë, ai u bë simbol i censurës dhe seleksionimit, duke vendosur kush duhet të flas, e kush jo. Ky mentalitet jugonostalgjik, ku vendos partia e jo qytetari, ku pushojnë zërat e lirë dhe kryetari bëhet i paprekshëm, është turp për një qytet. Ky nuk është mentalitet demokratik, por sjellje e një kryetari që i shërben vetëm vetes dhe klikës së tij, jo qytetarëve.
Në sjelljet e tij shihej qartë mungesa e fakteve: ndërhyrjet aty ku s’i takojnë, përdorimi i metodave të ulëta dhe presionet e vazhdueshme. Një kryetar me integritet do të përballej me argumente, jo me kërcënime dhe presione.
Hipokrizia e tij është e qartë, edhe kur shprehet dakord me vendime, më pas i shndërron ato në farsë politike. Ai shpërdoron ndikimin e tij në emërime, vendime, duke u tallur me mendjen e qytetarëve dhe duke mohuar çdo transparencë reale. Fjala e lirë nuk respektohet, lejohen vetëm ata që thurin lavde, ndërsa zërat kritikë heshtën ose etiketohen.
Trajtimi me figurat e shquara atdhetare është po aq shqetësues. Shembulli më i rëndë i kësaj qasjeje është mënyra se si është trajtuar profesori Ruzhdi Jashari, në atë seancë. Dikur i nevojshëm për vota, tani i mohuar dhe i përjashtuar padrejtësisht. Kjo është mosmirënjohje dhe tradhti politike. Të përfitosh nga një figurë atdhetare e më pas ta largosh atë është shkelje e rëndë morale. Nëse votat i ke marrë në emër të njerëzve që tani i përjashton, atëherë ke ndërtuar karrierë mbi gënjeshtrën.
Kjo sjellje u reflektua edhe në mënyrën se si u zhvillua kjo mbledhje. Pyetjet që u ngritën nga një asamblist nuk u dhanë përgjigjet, edhe kryesuesit të komisionit, për emërimin e institucioneve z. Ruzhdi Jashari, iu mohua e drejta e fjalës, ndërsa dy anëtar që flisnin në favor të Qemës, kishin kohë pa limit. Ky është uzurpim i mikrofonit dhe manipulim i procedurës. Sallat e Kuvendit nuk mund të bëhen pronë private.
Kur e gjithë mbledhja shndërrohet në shfaqje të manipulimit, qytetarët humbasin besimin tek institucionet e tyre. Kështu ndodhi edhe në mbledhjen e fundit të asamblesë komunale në Shtime…
