Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidentja e Kosovës, Vjosa Osmani, dhe kabineti i saj kanë shpenzuar mbi 137 mijë euro gjatë 15 vizitave zyrtare të zhvilluara nga janari deri në maj të këtij viti. Sipas të dhënave të siguruara nga Zyra e Presidentes përmes qasjes në dokumente publike, në këto udhëtime e kanë shoqëruar gjithsej 26 anëtarë të kabinetit, ndërsa shpenzimet përfshijnë:
54,105.34 euro për akomodim
81,440.48 euro për udhëtim
1,634.36 euro si shpenzime të tjera (dreka e darka zyrtare, internet për ekipin multimedial dhe shpenzime të ndryshme ditore).
Në përgjigjen zyrtare thuhet se shpenzimet janë institucionale dhe jo individuale, meqë në darka e takime kanë marrë pjesë edhe zyrtarë të tjerë nga Kosova apo shtetet nikoqire. Megjithatë, Presidenca nuk ka dhënë përgjigje lidhur me: arsyet konkrete të secilës vizitë, rezultatet e arritura, si dhe numrin e saktë të zyrtarëve që kanë shoqëruar presidenten në çdo udhëtim.
Redaksia e KOHA është ende në pritje të sqarimeve shtesë nga Zyra e Presidentes.
