Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ministri i Jashtëm i vendit tone, Enver Hoxhaj ka shkruar se Serbia në vend se të përballet me të kaluaren e saj dhe luftërat që shkaktoi, ajo po e glorifikon atë. Ai ka përkujtuar më tutje se regjimi i Millosheviqit shkaktoi luftëra, gjenocid dhe shkatërrim në gjithë rajonin dhe Serbia në vend se të përballet me të kaluarën, vazhdon ta glorifikojë atë dhe udhëhiqet nga figura që ishin pjesë e atij regjimi. “Sot, në një kohë kur Serbia po përpiqet të luajë rolin e satelitit të Rusisë në Ballkan dhe të sfidojë rendin euroatlantik, Kosova duhet të mbetet e palëkundur në boshtin e saj perëndimor. Ndërsa Beogradi përpiqet të rikthejë ndikimin e vjetër përmes destabilizimit dhe propagandës, përgjigjja jonë duhet të jetë forcimi i shtetit, sigurisë dhe institucioneve demokratike. Partneriteti me SHBA-në, NATO-n dhe aleatët evropianë është garancia e vetme për paqe, qëndrueshmëri dhe mbrojtjen e interesave të Kosovës në rendin e ri ndërkombëtar” ka porositur Ish-ministri i Jashtëm i vendit tone, Enver Hoxhaj.
