Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ministri i Mjedisit, Planifikimit Hapësinor dhe Infrastrukturës në Qeverinë e Kosovës, Liburn Aliu, është emëruar drejtor i Portit të Durrësit në Shqipëri. Vendimi është konfirmuar nga Ministria e Infrastrukturës dhe Energjisë në Tiranë, dy muaj pas dorëheqjes së tij nga Qeveria Kurti, të cilën Aliu e kishte justifikuar si “vendim personal”. Ish-deputeti i Vetëvendosjes, Haki Abazi, ka komentuar emërimin e Aliut, duke e cilësuar largimin e tij nga politika kosovare si pasojë të mënyrës së udhëheqjes së Albin Kurtit. Sipas Abazit, Kurti njihet për “luftën ndaj partnerëve dhe bashkëpunëtorëve politikë”, dhe dorëheqja e Aliut është një tjetër betejë në këtë seri eliminimesh brenda partisë. “Liburni ka qenë themelues i Vetëvendosjes, por meqë Kurti është i njohur për luftë ndaj partnerëve e bashkëpunëtorëve politikë, kjo është edhe një betejë pas gjithë atyre eliminimeve që ka bërë për të mbetur i vetëm në pushtet”, tha Abazi për Front Online. Sipas tij, emërimi në Shqipëri është pjesë e një lëvizjeje të koordinuar mes të majtës në Kosovë dhe asaj në Shqipëri, ku sipas Abazit, partitë ngacmojnë njëra-tjetrën me pozicione të rëndësishme. Ai përmendi edhe raste të ngjashme të ministrave të kaluar si Besa Shahini dhe Hajrulla Çeku, ku ky i fundit tashmë është rikthyer pranë Kurtit, duke treguar për një model të përsëritur të lojërave politike mes dy vendeve.
