Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati i ekipit mbrojtës të ish-presidentit Hashim Thaçi, Pierre Richard Prosper, ka deklaruar se procesi pesëvjeçar gjyqësor ka qenë i mbuluar nga keqinterpretime dhe një narrativë e ndryshuar e historisë, por se dëgjimi i dëshmitarëve mbrojtës ka shërbyer për të paraqitur të vërtetën. Prosper tha se faza e fundit e procedurës ka ofruar mundësinë që bota të shohë realitetin e ngjarjeve të asaj kohe. Ai theksoi se beson që provat e dorëzuara para trupit gjykues kanë qenë të mjaftueshme për të sqaruar rrethanat. “Kemi besim se gjyqtarët do t’i shqyrtojnë provat dhe informacionet e paraqitura për të kuptuar saktësisht çfarë ka ndodhur. Kemi arritur të paraqesim të dhëna të sakta historike. Nëse e shohin të vërtetën siç është, atëherë presidenti Thaçi dhe të tjerët duhet të jenë të lirë”, është shprehur Prosper. Procesi gjyqësor ndaj ish-krerëve të UÇK-së në Hagë ndodhet në fazën përfundimtare të shqyrtimit të provave, ndërsa vendimi i trupit gjykues pritet në muajt e ardhshëm.
