Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata speciale në Hagë kanë deklaruar se vizita e Avokatit të Popullit të Kosovës, Naim Qelaj, në objektin e paraburgimit nuk mund të konsiderohet zyrtare, pasi mbikëqyrjen e kushteve aty e ushtron vetëm Avokati i Popullit i DhSK-së. Zëdhënësi Michael Doyle tha se, sipas Kushtetutës së ndryshuar me 2/3 e Kuvendit, kompetencë ekskluzive ka Ombudsmani i Specializuar, gjykatësi Pietro Spera, i cili këtë vit ka zhvilluar tri inspektime të pavarura. Ombudsmani i tyre monitoron në mënyrë të pavarur trajtimin dhe të drejtat e të paraburgosurve, pranon ankesa dhe kryen hetime. Krahas tij, objektin e paraburgimit e monitoron rregullisht edhe Komiteti Ndërkombëtar i Kryqit të Kuq. DhSK theksoi se të paraburgosurit gëzojnë vizita familjare jashtë vëzhgimit të stafit, si dhe 10 ditë vizitash personale çdo 30 ditë. Reagimi erdhi pas deklaratës së Qelajt më 20 nëntor, i cili u ankua se vizita e tij ishte zhvilluar nën kufizime që cenojnë standardet e CPT-së. Ai kritikoi mungesën e llogaridhënies dhe transparencës së DhSK-së ndaj institucioneve të Kosovës. Mbrojtja do të mbyllë paraqitjen e provave deri më 2 dhjetor 2025. Po ashtu, më 28 nëntor do të mbahet konferenca përgatitore në rastin tjetër që përfshin Thaçin dhe katër të akuzuar të tjerë për ndikim ndaj dëshmitarëve.
