Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i Shqipërisë, Bajram Begaj, ka uruar popullin shqiptar me rastin e Ditës së Çlirimit, duke theksuar se kjo datë historike përfaqëson themelet mbi të cilat është ndërtuar shteti shqiptar dhe sakrificat e brezave që luftuan për lirinë e vendit. Në mesazhin e tij, presidenti u përkul me nderim para dëshmorëve të Luftës së Dytë Botërore dhe të gjithë atyre që dhanë jetën për atdheun, duke rikujtuar kontributin e tyre të pazëvendësueshëm në mbrojtjen e territorit dhe identitetit kombëtar. “Dje, sot dhe përgjithmonë besnikë ndaj të njëjtave vlera,” shkroi Begaj, duke theksuar se guximi, qëndresa dhe gjaku i derdhur për Shqipërinë përbëjnë themelet e lirisë së sotme. Kreu i shtetit theksoi gjithashtu se mirënjohja për këtë sakrificë nuk duhet të mbetet vetëm në kujtesën historike, por të jetë një detyrim i përditshëm për të mbrojtur lirinë, dinjitetin njerëzor dhe paqen, vlera që vazhdojnë të udhëheqin shtetin shqiptar në rrugën e tij të zhvillimit dhe integrimit.
