Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-këshilltari i kryeministrit Albin Kurti, Durim Berisha, është zyrtarisht anëtari më i ri i Partisë Demokratike të Kosovës. Megjithatë, hyrja e tij në parti shoqërohet me një deklaratë të fortë kritike drejtuar vetë PDK-së. Berisha ka theksuar se PDK-ja ka hyrë në një cikël humbjesh të pandërprera që nga viti 2014 – për të cilat ai thotë se askush nuk ka mbajtur përgjegjësi politike. Sipas tij, struktura të brendshme të partisë kanë dështuar në mbajtjen e premtimeve dhe në ofrimin e rezultateve të premtuara qytetarëve. Berisha deklaron se pavarësisht anëtarësimit, nuk do të përkrahë asnjërin nga kandidatët aktualë të PDK-së, duke i cilësuar disa prej tyre si përgjegjës për humbjet serike dhe për degradimin elektoral të partisë. Ai kritikon edhe “aderimet spektakolare”, që sipas tij sjellin vetëm zhurmë mediatike, por asnjë votë të re. Në deklaratën e tij, Berisha paralajmëron se PDK-ja nuk duhet të mendojë për koalicion me Albin Kurtin. Sipas tij, individë brenda partisë ende shpresojnë në bashkëpunim me Lëvizjen Vetëvendosje për interesa personale dhe poste, duke e quajtur këtë qasje “kalkulim të një humbjeje të radhës”. Ai nënvizon se në PDK ka ardhur për t’u bërë pjesë e një ndryshimi substancial, jo për të mbështetur — siç i quan ai — figura të vjetra e të padëshmuara, të cilat nuk kanë sjellë vlerë për shoqërinë.
