Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe pse ka kaluar më shumë se një muaj nga vendimi i Gjykatës Supreme që ka hequr obligimin e pensionistëve për t’u lajmëruar në Departamentin e Pensioneve çdo gjashtë muaj, ky vendim ende nuk po zbatohet në praktikë. Shqetësim për moszbatimin e aktgjykimit ka ngritur edhe sekretari i Shoqatës së Pensionistëve të Prishtinës, Osman Vitia. Ai ka theksuar se, pavarësisht vendimit të qartë të Gjykatës Supreme, praktika në terren nuk ka ndryshuar. “Dihet aktgjykimi i gjykatës, por nuk është duke u zbatuar. Referentët në zyrat e pensioneve na thonë se duhet të lajmërohemi derisa të u vijë vendimi zyrtar. Ende pretendojnë se nuk e kanë marrë vendimin dhe për këtë arsye kërkojnë lajmërim”, ka deklaruar Vitia. Moszbatimi i këtij vendimi po vazhdon të shkaktojë pakënaqësi te pensionistët, të cilët kërkojnë respektim të menjëhershëm të aktgjykimit dhe shmangie të procedurave që tashmë janë shpallur të paligjshme nga instanca më e lartë gjyqësore.
