Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shqipëria do të jetë pjesë e Bordit të Paqes në Gaza, një organizatë e re ndërkombëtare e krijuar nga Shtetet e Bashkuara të Amerikës me synim vendosjen e paqes në Rripin e Gazës pas shkatërrimeve të rënda si pasojë e terrorizmit të Hamasit. Ky zhvillim i rëndësishëm për prestigjin dhe rolin ndërkombëtar të vendit u bë i ditur nga kryeministri Edi Rama. Kryeministri Rama theksoi se ftesa personale nga presidenti amerikan Donald Trump për ta përfaqësuar Shqipërinë si anëtare themeluese e këtij bordi është një nder i veçantë dhe dëshmi e besimit që partnerët strategjikë kanë ndaj shtetit shqiptar. “Jam thellësisht i nderuar nga kjo ftesë për ta përfaqësuar Shqipërinë në Bordin e Paqes, një organizatë e re ndërkombëtare e ideuar nga presidenti Trump, ku vendi ynë ftohet si anëtar themelues”, u shpreh Rama, duke shtuar se Shqipëria sot është më e vlerësuar se kurrë në arenën ndërkombëtare. Në këtë Bord të Paqes do të marrin pjesë edhe figura të shquara botërore, përfshirë sekretarin amerikan Marco Rubio, ish-kryeministrin britanik Tony Blair, si dhe presidentët e Turqisë dhe Egjiptit. Ky angazhim i ri ndërkombëtar vjen paralelisht me përparimin e shpejtë të Shqipërisë drejt integrimit evropian, duke e pozicionuar vendin si faktor stabiliteti, paqeje dhe bashkëpunimi në rajon dhe më gjerë.
