Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësi i gjykates speciale, Michael Doyle, bëri të ditur se intervista e Isni Kilajt është pranuar si provë materiale në çështjen ndaj Hashim Thaçit, Bashkim Smakajt, Fadil Fazliut, Isni Kilajt dhe Hajredin Kuҫit, që lidhet me administrimin e drejtësisë. Doyle njoftoi se intervista u krye gjatë kontrollimeve dhe sekuestrimeve në vendbanimin e Kilajt, dhe se ai kishte hequr dorë nga e drejta për të heshtur dhe nga e drejta për të pasur avokat gjatë bisedës me prokurorët. “Para intervistës, z. Kilaj iu komunikuan të gjitha të drejtat e tij sipas Ligjit të Dhomave të Specializuara, gojarisht dhe me shkrim në shqip, dhe ai e konfirmoi kuptimin e tyre përmes nënshkrimit. Ai gjithashtu u informua se mund të tërhiqej nga heqja dorë e të drejtave në çdo kohë dhe të kërkonte praninë e avokatit,” tha Doyle. Sipas zëdhënësit, prokurorët ishin të detyruar të informonin Kilajn se ishte i dyshuar për vepra penale që i nënshtrohen juridiksionit të Dhomave të Specializuara, duke e bërë intervistën të ligjshme dhe të vlefshme si provë në këtë proces.
