Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke folur për pozitën e popullit shqiptar në ish Republikën Jugosllave të Maqedonisë 25 vjet pas pavarësimit të saj, njohës të fushës së politikës kanë thënë se pozita e shqiptarëve ende vazhdon të mbetet shumë e vështirë. Njohës i çështjeve juridike dhe deputeti i përbërjes së parë parlamentare gjatë viteve 1991 deri në vitin 1994, Mersim Pollozhani ka deklaruar se shumë pak është bërë në drejtim të përmirësimit të statusit juridik të shqiptarëve të Maqedonisë, gjatë kësaj periudhe prej dy dekada e gjysmë. Ai ka shtuar më tutje se strukturat udhëheqëse maqedonase në vazhdimësi janë angazhuar në ndërtimin e shtetit të Maqedonisë vetëm mbi baza të kombësisë maqedonase, duke pasur si synim degradimin e statusit të shqiptarëve. Edhe ish eprori i shquar i Ushtrisë Çlirimtare Kombëtare, Hysni Shaqiri ka tërhequr vërejtjen diskriminimi është në përmasa aq të mëdha sa nuk mund të përshkruhet. Me vetë faktin se kanë ndodhur shumë ngjarje edhe pas konfliktit të armatosur të 2001-shit, kur shqiptarët mendonin se kanë fituar të drejtat dhe lirinë, përkundrazi tani janë më të diskriminuar, më të përbuzur, duke qenë se vazhdojnë të ndodhin ngjarje të tmerrshme, siç janë vrasjet dhe burgosjet e popullatës shqiptare përmes proceseve të montuara kundër tyre, siç është rasti Monstra, ai i Brodecit, Sopotit dhe shumë raste të tjera.
