Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Angazhimi i Forca e Sigurisë së Kosovës në Forcën Ndërkombëtare Stabilizuese në Gaza po vlerësohet nga ekspertët e sigurisë si një hap i rëndësishëm për forcimin e marrëdhënieve ndërkombëtare të Kosovës, veçanërisht me Shtetet e Bashkuara të Amerikës, si dhe për rritjen e rolit të vendit në fushën e sigurisë globale. Sipas njohësve të sigurisë, pjesëmarrja e FSK-së në misione paqeruajtëse ndërkombëtare konsiderohet dëshmi e zhvillimit institucional dhe profesional të saj, duke e pozicionuar Kosovën jo vetëm si përfituese të sigurisë, por edhe si kontribuuese aktive në stabilitetin ndërkombëtar. Drejtori i Qendra Kosovare për Studime të Sigurisë, Mentor Vrajolli, ka deklaruar se përfshirja në misione paqeruajtëse është e domosdoshme për Kosovën, pavarësisht pranisë së KFOR-it në vend. Ndërkaq, ministri i Mbrojtjes, Ejup Maqedonci, ka deklaruar se FSK-ja gjatë viteve të fundit ka ndërtuar kapacitete që i mundësojnë të kontribuojë në sigurinë ndërkombëtare, duke shtuar se në vitet e ardhshme pritet një dialog më i thelluar me NATO-n për kompetencat dhe përgjegjësitë e institucioneve të sigurisë në Kosovë. Kosova dhe Shqipëria janë ndër pesë vendet e para që do të dërgojnë trupa në kuadër të Forcës Ndërkombëtare Stabilizuese në Gaza, së bashku me Indonezinë, Marokun dhe Kazakistanin, ndërsa Egjipti dhe Jordania do të angazhohen në trajnimin e policisë lokale.
