Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njohësi i çështjeve të sigurisë, Burim Ramadani, ka kritikuar qëndrimet e partive opozitare lidhur me procesin e zgjedhjes së presidentit, duke shtruar pyetje publike ndaj Partia Demokratike e Kosovës dhe Lidhja Demokratike e Kosovës. Ramadani ka pyetur nëse këto parti kanë menduar se kryeministri Albin Kurti do t’ua jepte atyre postin e presidentit, duke e cilësuar të paqartë strategjinë e tyre politike. Sipas tij, opozita pretendon që me votat e Lëvizja Vetëvendosje të zgjedhë presidentin, ndërkohë që nuk ka nxjerrë një kandidat të përbashkët. Ramadani ka theksuar se, nëse partitë jopushtetare nuk votojnë një kandidat të propozuar nga VV-ja, rreziku i zgjedhjeve të reja mbetet i hapur, duke shtuar se kërkesa që VV-ja të mos propozojë kandidat, por vetëm të japë votat, është një standard i dyfishtë.
