Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata e Veteranëve të Luftës së UÇK-së ka reaguar ashpër ndaj një ekspozite të vendosur në qendër të qytetit, duke e cilësuar atë si një akt të papranueshëm që, sipas tyre, deformon të vërtetën e Luftës Çlirimtare. Në reagimin publik, kjo organizatë thekson se nën petkun e kujtesës historike, instalacioni në fjalë paraqet në mënyrë të shtrembëruar ngjarjet e luftës, madje duke i portretizuar viktimat civile si persona të armatosur. Sipas tyre, një qasje e tillë, e vendosur pikërisht në përvjetorin e bombardimeve të NATO-s, përbën “një akt të poshtër moral” dhe fyerje të drejtpërdrejtë ndaj sakrificës për liri. Veteranët kanë drejtuar akuza të forta jo vetëm ndaj autorëve të ekspozitës, por edhe ndaj institucioneve që kanë mbështetur apo financuar këtë projekt. Ata e konsiderojnë skandaloz përdorimin e mjeteve publike për një përmbajtje që, sipas tyre, cenon të vërtetën historike dhe dinjitetin e luftës së UÇK-së. Në fund, Organizata e Veteranëve të Luftës së UÇK-së kërkon distancim të menjëhershëm institucional nga ekspozita, si dhe llogaridhënie për të gjithë ata që kanë qenë të përfshirë në realizimin dhe financimin e saj.
