Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kurti tashmë është bërë adresë identitare e shpërfaqjeve proserbe të vartësve të tij Shkelzen Gashi, Dimal Basha dhe jo vetëm. Matosh e kodosh rendin revanin e lamës së dreqit.
Përfshirja e Kuvendit të Kosovës në skandalin e Ekspozitës, ku Masakrën në Burgun e Dubravës të forcave serbe mbi të burgosurit shqiptarë të vitit 1999 e paraqitën si një vrasje të të burgosurve të armatosur, e bënë shumë të rënduar klimën politike në vend.
Në vazhdën e frymës së krijuar nga Vetëvendosja (kur bënte luftë opozitare të vinte në pushtet), brenda saj u krijuan boshllëqe ku sjellja nuk determinohej më nga parimet e organizatës, por ajo vlerësohej me masën e ndikimit në frymën rritëse elektorale. Kjo bëri që vegjetimi parimor të bëhesh rrita elektorale e saj. Atje vërshuan të gjithë ata që donin një strehë për ta realizuar veten e tyre, misonin e tyr, apo, edhe t’i vendosnin sektet e tyre brenda institucioneve. Veçanërisht në të tilla mundësi rendin shërbimet armike me argatët e vet dhe Islami politik. Shumë fëmijë të jugonostalgjikëve poashtu gjetën shesh për të bërë përshesh. Albin Kurtit iu deshën gjithë ‘Ujemet’ për luftën e tij të brendshme, të cilën e orientoj me Dardan Molliqajn, që ta pushtonte partinë. Njëjtë vepropi edhe në luftën me oponencën në rrugëtimin e tij drejt majës.
Deri në ardhjen në pushtet gjithçka bëhesh me gjuhën e shkurtuar terenit të vështirë të kujdesit për shtatin e demagogjisë që ia kërkonte koha. Patsaj gjërat ndryshuan. Armata virtuale që ai ndërtoj në jetën digjitale të vendit u bë jo vetëm borizani i paltformës së tij, por edhe gijotina ku lufta hibride bëhesh me thikat e helmatosura. Ardhja në pushtet e Kurtit e trimëroi shpurën pro serbe afër tij. Nuk vonoi, dhe, Shkelzen Gashi më 2020-ten shpërtheu guximin e goditjes së madhe publike. Deklarimi i tij se UÇK kishte bërë krime dhe se viktimat e saj shkonin përtej 1000 vetave (parafrazim i imi bazuar në thënjet e kohës) ishte prova e hekurt serbe (për mendimin tim dhe jo vetëm), që të provohej me diskursin e ri në vigjilie të burgosjeve nga Gjykata Speciale.
Armiqtë kur duan të godasin, thuhet se është në zanatin e tyre ta bëjnë goditjen gjithëpërfshirëse. Ishte e koordinuar a jo deklarata e Shkelzen Gashit me objektivat serbe nuk e them dot në mungesë burimesh, por ajo që mund të them sikur e kuptoi edhe publiku i gjerë: ujët shkonte në mulli të Serbisë.
Ashtu sikur goditja e Gashit ishte e madhe edhe reagimi i publikut ishte i madh. KM Kurti u frigua në mos i kishte tepërshkelur kufijtë e tolerancës. Ai nuk i përballoi opinionet dhe e shkarkoi Shkelzen Gashin, të cilin e kishte këshilltar në organikë. Edhe sot e kësaj dite mbretëron bindja në publik se, megjithë shkarkimin publik, ai asnjëherë nuk e largoi nga orbita e tij Gashin. Dhe ja ku u gjend pas gjashtë viteve në vathën e tij. Kuvendi, Ekspozita, shpërfaqja proserbe.
Reagimi i vakët i kryeparlamentares Haxhiu se, faji na qenkëka i autorëve, lë të kuptohet vetmjaftushmëria e saj në pafuqinë institucionale për postin që mban karshi marimangës hije të pushtetit real Dejona-Kurti, ku ladrojnë hamshorë si Shkelzen Gashi e Dimal Basha, deputetja Matoshi e çdo kodosh tjetër dhe vegjetojnë idealet e Vetëvendosjes.
Kurti i gjendur përballë kërkesave që ia shtron egoja për pushtet po vepron njëjtë me heshtje prej akulli, sikur përtejshkoi të vërteten Dimal Basha të botimit bashkautorial akademik, ku thuhesh se financimi i UÇK-së ishte bërë nga trafikantë droge që operonin në Evropë dhe SHBA. Kurti, në rastin Dimal Basha, nuk e ndoqi praktiken Shkelzen Gashi. Bashën e bëri kryeparlamentar nga zgjedhjet e shkuara, derisa sot atë e ka ministër infrastrukture. Kjo praktikë avancimi të atyre që shpërfaqen antishqiptarë e anti UÇK duhet ta ketë trimëruar Shkelzen Gashin në etjen për para. Pse jo edhe për pushtet!
Si timonier i mirë, Albin Kurti, e ka të qartë se ulja e velave nuk e mban në molin e objektivave pushtet. Andaj, ai po tregohet i vullnetshëm të kalojë mbi gjithçka për çmimin e mbetjes i pari i vendit.
Sikur e dijmë, në demokracitë liberale nuk ka pushtet të përhershëm, dhe Kurti një ditë do njohë fundin e tij edhe politik e jo vetëm pushtetorë. Ndaras nga fatet e Kurtit pushtet, goditjet që Gashët e Bashët, Matoshët e Kodoshët po ia bëjnë të kaluarës sonë të lavdishme të UÇK-së dhe dhimbjes sonë mbetur plagëhapur për të vrarët e të pagjeturit do dojë kohë të shërohet.
Në frymën e kësaj histerie antishqiptare dhe antiçlirim e anti UÇK, skena jonë politike rrezikon të jetë e dënuar t’i shtrohet një realiteti mbushur me armiqësi të brendshme, pa mundur asnjëherë të vihet te konsensusi aq i nevojshëm për temat e mëdha për të përballuar rreziqet që po kalon gjopolitika nëdrkombëtare, ku ne duhet të notojmë jo vetëm për mbijetesën por edhe për realizimin e aspiratave.
Mbetja peng i sherrnajave që na i mbjellin këto sjellje për hesap të Serbisë, edhe pse sot janë objektivat e vetme që Serbia mund t’i arrijë brenda nesh: A nuk mjafton kaq që ne të mos vetrealizohemi?!!!
