Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Kushtetuese e Kosovës u ka dhënë një goditje të fortë dy prej figurave më të larta institucionale në vend, duke rrëzuar njëzëri kërkesat e Vjosa Osmani dhe Albulena Haxhiu si të papranueshme dhe juridikisht të paqëndrueshme. Sipas njoftimeve zyrtare, kërkesa e Osmanit lidhur me anëtarët e Komisionit Qendror të Zgjedhjeve nuk kaloi as filtrat bazë për shqyrtim, ndërsa kërkesa e Haxhiut për të detyruar deputetët të qëndrojnë në sallë gjatë zgjedhjes së presidentit u konsiderua në kundërshtim të hapur me parimet kushtetuese. Ironikisht, përkundër peshës së vendimit, asnjëra nga dy zyrtaret nuk ka dalë ende me një reagim publik, duke lënë hapësirë për kritika mbi përgjegjësinë politike dhe transparencën. Vendimi i fundit i Kushtetueses, që u jep deputetëve 34 ditë për të përmbyllur procesin, tashmë po shihet më shumë si një ultimatum sesa si mundësi, ndërsa mungesa e veprimeve konkrete nga pushteti rrit dyshimet se vendi po shkon drejt një skenari të njohur: bllokadë politike dhe zgjedhje të parakohshme.
