Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Demokratike të Kosovës, Blerta Deliu-Kodra, ka reaguar pas protestës së mbajtur në Shkup, duke shprehur mbështetje për studentët shqiptarë që kërkojnë të drejtën për të zhvilluar provimin e jurisprudencës në gjuhën shqipe. Ajo theksoi solidaritetin me studentët dhe rëndësinë e ruajtjes së dinjitetit të gjuhës shqipe. “Në krah të studentëve shqiptarë! Për dinjitetin e gjuhës shqipe! Solidaritet me shqiptarët në Maqedonia e Veriut, gjithmonë!”, ka shkruar Deliu-Kodra. Studentët shqiptarë protestuan në Shkup duke shprehur pakënaqësi për, siç thonë, padrejtësi të vazhdueshme, pasi nuk u mundësohet dhënia e provimit të jurisprudencës në gjuhën shqipe, ndonëse kjo e drejtë është e garantuar me Kushtetutë dhe ligjet në fuqi në Maqedoninë e Veriut.
