Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Lidhjës Demokratike e Kosovës, Avdullah Hoti, ka ngritur kritika në seancën e jashtëzakonshme lidhur me procedurat për buxhetin e vitit 2026, duke akuzuar qeverinë për shmangie procedurale dhe veprime në kundërshtim me ligjin. Ai tha se mënyra se si po procedohet me dokumentet buxhetore bie ndesh me Ligjin për Menaxhimin e Financave Publike, duke theksuar se mungesa e formës së rregullt ligjore e bën procesin të kontestueshëm. Sipas tij, korniza afatmesme trevjeçare, që shërben si bazë ligjore për buxhetin vjetor, është rishqyrtuar dhe amendamentuar duke u mbështetur në nenin 22 të ligjit përkatës, i cili kërkon që ministri të paraqesë rrethanat ekonomike mbi të cilat mbështetet rishikimi buxhetor. Ai shtoi se ndryshimet janë arsyetuar me rritjen e të hyrave publike, çka sipas tij ka sjellë rishikim të të hyrave dhe të shpenzimeve, por paralajmëroi se çdo devijim nga procedurat ligjore rrezikon transparencën dhe besueshmërinë e procesit buxhetor.
